خەزەڵ وەرە خەزڵ لەسەر خەزەڵی ڕانەدەوەستا لەبەر شۆڕابەی دە شەنگە بییە (حیرانی پاییزە)
بە سوارێ ماشێنی ڕێگایەکی زۆرمان بڕی گەینە ئاوایی نەبیی ئاوا لە ناوچەی نەڵێنی فەقێسیان یا تەنگی گڕژاڵ , لە نیوان شاری میرئاویێ و نەڵاس و هەڵکەوتوو لە نیوان گەورک و مەنگورایەتی. بەرە بووینەوە بەرەو چوومی زێیە و پردە بە ناو بانگەکەی قەڵاتاسیان کە لە چوار دەروو و سێ پایەیی شاخاویی و سروشتی وتێکەڵاوی دەستکرد مرۆڤ .
بارانی ڕۆژی پێش تر داوستانی سەر لە بەیانی و شەیەکی هەست پێکراوی پێک هێنا بوو , تێ ڕامام و نواڕیمە پردێ
نە پردەوان و باج ئەستێنم بەدی کرد , نە هەو هەوی سواران و وڵاغ داران , نە خرمەی ناڵی سەر بەردان و نە چرپەی چرپی داپوشراوی سەر کاریتان , نە قوولە قوولی ڕێبواران , نە چڕە و گوڕەی گرتنی نۆرە و سڕەی پەڕینەوە , نە لۆژە لۆژی کاریتە و ئاڵوداران , نە نە فیتە فیتی شوان و گاوانان , نەمان گرتن و حیلاندن و هەستانە سەر پاشووی یەک سمی چەمووش , نە شەقەی قەمچی و خەرەزەنی شوانکاران , نە ئێستران بە جەواڵ و یەکسری و ڕەشک ە و تێڕان دەپەڕنەوە , نە خێڵ و کۆچ و ئێلات بار و بارخانیان لە ڕەشماڵ و چیغ و بەڕە و لاکێشان دەگوێزنەوە , نە کاروانی مازوو و کەتیرە و توتن و گوێز و ترێ ڕەشەی ئالانی بەرەو شاران بەڕێوەن , نە شۆڕە سوارانی توند و قۆچاغ و قاچاغ خۆیان لە بن بەڕێزی فیشەک و فیشەک دانان وون کردووە و بە تفەنگی لاشان و خەنجەری موورو لە سەر دەسکی بەر پشتێندی بە تەقەڵە کوت و ڕکێف کوت بێ ترس و منەت وەک بای شەماڵی رادەبرن, دەنگی خۆشی گۆرانی بێژ و شایەر و چاوەشان لە پێش سوارانی بووکنچی نایا بوک بگوێزنەوە , نە کەیخودا و مەلا و پیاو ماقووڵان لە سەر پردێ بووکی ژن بە ژن ە دەگۆڕنەوە .
پردی پیر و کەنەفت , بێ قەدر قیمەت بەجێ ماوی مێژوو , وەک ددانەکانی مرۆڤی بە ساڵاچوو تاق و لۆق و لەق بووە , کاریتە ئاسنە کانی نا لێک بەینیان کەوتۆتێ کەلێنیان زارکیکردۆتەوە, وەک دەڵین هەوایەک لە پردەکەی سێڕاتی پەڕینەوەی بە سانی ترە .
کوتە و ڕێچکە و ڕێبازەکانی ئەو سەرەو سەری پردێ کوێر بوونەوە کەند و لەندیان تێکەوتووە بەردی تیژ و زەلامی لێ وەدەرکەوتووە , بسک و پنجی تیرۆ و گۆنی دەوەن ئامبازی ڕیگا بوون و بار ئەنگێون .
ئەو پردەی ڕۆژێک جمەی دەهات و گاڵتەی بە زێی خوڕێن و لافاوی بە سامی دەکرد ئەو بازەی گەورە پیاوانی وەک مولانا , هەمزئاغا , مەلا خەلیل , مینە شەم , کاک سولەیمان و کاک….. بە سەدان ئاواتەوە ئەو بەرەو بەریان پێدا دەکرد , ئێستا بۆتە هێما , میژوو و سەدان داستانی لە کەلێن و قوژبن و بەردچنی پایەکانی حەشارداوە
https://www.instagram.com/p/CyqvxOZIWl_3WCj4jmCxyzbBTTkxJLbiiyS5vY0/?igshid=NjZiM2M3MzIxNA==
بارانی ڕۆژی پێش تر داوستانی سەر لە بەیانی و شەیەکی هەست پێکراوی پێک هێنا بوو , تێ ڕامام و نواڕیمە پردێ
نە پردەوان و باج ئەستێنم بەدی کرد , نە هەو هەوی سواران و وڵاغ داران , نە خرمەی ناڵی سەر بەردان و نە چرپەی چرپی داپوشراوی سەر کاریتان , نە قوولە قوولی ڕێبواران , نە چڕە و گوڕەی گرتنی نۆرە و سڕەی پەڕینەوە , نە لۆژە لۆژی کاریتە و ئاڵوداران , نە نە فیتە فیتی شوان و گاوانان , نەمان گرتن و حیلاندن و هەستانە سەر پاشووی یەک سمی چەمووش , نە شەقەی قەمچی و خەرەزەنی شوانکاران , نە ئێستران بە جەواڵ و یەکسری و ڕەشک ە و تێڕان دەپەڕنەوە , نە خێڵ و کۆچ و ئێلات بار و بارخانیان لە ڕەشماڵ و چیغ و بەڕە و لاکێشان دەگوێزنەوە , نە کاروانی مازوو و کەتیرە و توتن و گوێز و ترێ ڕەشەی ئالانی بەرەو شاران بەڕێوەن , نە شۆڕە سوارانی توند و قۆچاغ و قاچاغ خۆیان لە بن بەڕێزی فیشەک و فیشەک دانان وون کردووە و بە تفەنگی لاشان و خەنجەری موورو لە سەر دەسکی بەر پشتێندی بە تەقەڵە کوت و ڕکێف کوت بێ ترس و منەت وەک بای شەماڵی رادەبرن, دەنگی خۆشی گۆرانی بێژ و شایەر و چاوەشان لە پێش سوارانی بووکنچی نایا بوک بگوێزنەوە , نە کەیخودا و مەلا و پیاو ماقووڵان لە سەر پردێ بووکی ژن بە ژن ە دەگۆڕنەوە .
پردی پیر و کەنەفت , بێ قەدر قیمەت بەجێ ماوی مێژوو , وەک ددانەکانی مرۆڤی بە ساڵاچوو تاق و لۆق و لەق بووە , کاریتە ئاسنە کانی نا لێک بەینیان کەوتۆتێ کەلێنیان زارکیکردۆتەوە, وەک دەڵین هەوایەک لە پردەکەی سێڕاتی پەڕینەوەی بە سانی ترە .
کوتە و ڕێچکە و ڕێبازەکانی ئەو سەرەو سەری پردێ کوێر بوونەوە کەند و لەندیان تێکەوتووە بەردی تیژ و زەلامی لێ وەدەرکەوتووە , بسک و پنجی تیرۆ و گۆنی دەوەن ئامبازی ڕیگا بوون و بار ئەنگێون .
ئەو پردەی ڕۆژێک جمەی دەهات و گاڵتەی بە زێی خوڕێن و لافاوی بە سامی دەکرد ئەو بازەی گەورە پیاوانی وەک مولانا , هەمزئاغا , مەلا خەلیل , مینە شەم , کاک سولەیمان و کاک….. بە سەدان ئاواتەوە ئەو بەرەو بەریان پێدا دەکرد , ئێستا بۆتە هێما , میژوو و سەدان داستانی لە کەلێن و قوژبن و بەردچنی پایەکانی حەشارداوە
https://www.instagram.com/p/CyqvxOZIWl_3WCj4jmCxyzbBTTkxJLbiiyS5vY0/?igshid=NjZiM2M3MzIxNA==