((نەمن جارێک ئەتۆم دیوە
نە تۆ منت چاک ناسیوە))
ئیتر لە دواییدا ناتوانی تەوسیفی باردوخ و حاڵ و هەوای ئەو بکەی کاتێک نەتدیوە چۆن دەڵێی
تۆ مەلێکی…
تۆ شێعرێکی…
تۆ سەمفۆنی…
تۆ شووشەی…
خۆشترین بۆنی…
ئازا و ئازد و بێ مەرزی…
ئەو شێعرە لە ناوەڕۆکدا یەکدەست نییە و زەعفی تەئلیفی هەیە و لە پێکهاتەی ماناییدا(ساختار معناییSemantic structure) کێشەی هەیە
بۆ سەلماندنی ئەو بابەتە چاو لە شێعری ((شار))ی کاک سوارە بکە یا دێوەرە و کەری عەبدووڵڵا پەشێو بزانە چۆن لە سەرەتاوە تا کۆتایی ئەو شێعرانە لە هێڵی ئاسۆیی(محور افقی)و لە هێڵی ئەستوونیدا(محور عمودی)شێعرەکان پێکهاتەی مانایی یەکدەست و تەکووزیان(منسجم)هەیە
🔴وێنە شێعرییەکان سواون یانی هیچ تازەگەریەک(بدعت و نوآوری) لە وێنەکاندا نابینرێ یانی زمانی شێعری زمانێکی سواوی چەندین دەیە لەوەی پێشە کە ڕەنگە پەشێو پێی نووسیوە خودی شێعرەکە دیارە ڕاستەوخۆ یا ناڕاستەوخۆ لە ژێر کارتێکەری شێعری ((بۆ کچێکی کاڵ))ی پەشێو دایە ئەو شێعرەکە دەڵێ:
((لە دوورەوە ناوت بیستووم
ناشارەزا خۆشت ویستووم…
………………………………………………………..
نەتناسیوم
بڕوا بکە نەتناسیوم…
ئەو جیهانەی تۆ دەتهەوێ
هەرگیز لای من دەست ناکەوێ
جەهانی من هەمووی خەمە
زەردەخەنەی ئێکجار کەمە…))
هەڵبەتە کارتێکەری و لە ژێرکاریگەریدابوون ئاساییە بە تایبەت کە ئێستا باس لە نێوان دەقی(بینامتنیتintertextuality) لە بیرۆکە ئەدەبیەکاندا دەکرێ بەڵام ئەوە دەبێ بە چەشنێک بێ زۆر لێهاتوویانە شوێنە ونکێ (ردگم کنی) بکەی
🔴ڕەچاو نەکردنی ئیقتسادی وشە یا دوورەپەرێز بوون لە سەنعەتی مەجاز و بەکارهێنانی وشەگەلی زیادی(حشو زاید) کە لە پێکهاتەی ماناییدا یارمەتی شێعرەکە نادەن هیچ بگرە سەرباری شێعرەکەن یانی بە دیلیت و سڕینەوەی ئەو وشانە تەنانەت پیتەکانیش هیچ خەسارێک ڕووبەڕووی شێعرەکە نابێتەوە هیچ بگرە شێعرەکە لە بارتریش دەبێ بۆ وێنە
من مەلێکی ڕێی لێ ون بوو
مارانگازی بێچوو مردوو
هێلانە وێرانی کوێستان
تۆ مەلێکی تازە لاو
شیرین بزە بسک خاو
نازپەروەردەی سەردەستان
هەر وەک دەبینی بە سڕینەوە پیتی(ی) و وشەی (بە) لە دێڕەکانی پێشووی خۆت نە تەنیا هیچ خەسارێک لە مانا نەکەوت بگرە یارمەتیدەری هاڕموونی شێعرەکەش بوو
یا
من ڕستێکی نەنووسراو
لە پێنووسا قەتیس ماو
دیارە بە سڕینەوەی پیتی (م) لە نەنووسراومدا و بە سڕینەوەی جەوهەرێکم لە نێو هیچ کێشەیەک بۆ پێکهاتەی مانایی ئەو ئێپیزۆدەش سازناکا هیچ بگرە ئاستی موسیقایی و هارموونی شێعرەکەش دەباتە سەرێ
یا
من مۆسیقایەکی نامۆ
بزەی درۆی
جۆکێرێکی لە سەر شانۆ…
قیژە و هەرا ،هات و هوریا، سەرباز بە پێی باسەکە زیادین
یا کاتێک دەڵێی
تۆ سەمفۆنی بێتهۆڤێنی
ئەو ڕستەیە هەموو شتێکی لە ئاست جوانی مۆسیقایی بەیان کردوە چ پێویست بە درێژە دادڕی وێنەی ناشیرینی
نۆتی سیمی سەر وێڵۆن!…
🔴یەکدەست نەبوونی بە بەردەنگ کردن و بانگێهشتن یا بە(منادا)کردنی مەعشووق لە زمانێکی خۆماڵیانە ڕا بۆ زمانێکی بیانی
باجی،خانباجی،مادمازێل!