ترێلر ڕانینگ و قەڵاتی شیراز
فەرید سیدقی
لە لایەن تیمی بەشدار بووی ترێڵ ڕانینگی باشگا لە کێبەرکێکانی قەڵاتی شیراز کە بەرهەمی چالاکی دوو مانگەی وەرزشی بەیانانی ئەندامانی باشگایە سپاس و ڕێز بۆ پشتگیری دەستەی بەڕێوەبەرایەتی و سەرجەم ئەندامانی خۆشەویستی باشگای ئەوراز
ۆێڕای خۆئامادەکردن بۆ بردنەسەری ڕادەی توانایی ئەندامان بۆ بەشداری تەندرووست و بەهیزتری شاخەوانی لە ڕۆژانی هەینی دا، ئەو تیمە 8 کەسییە پاش دوو مانگ چالاکی بە هۆی ورە و ڕێنوینیکانی ڕاهێنەرانی خۆشەویست، بەڕێزان کارزان و ئاڕەش و مەسعوود و بەرپرسایەتی بەڕێز دوکتور ئێحسان گەیشتە ئەو ڕادەیە کە خۆی لە نزیکترین ئەزموونی ڕانینگ لە باری کاتیەوە تاقی کاتەوە، بۆیە بەشداری کرد لە ترێڵ ڕانینگی قەڵاتی شیراز و ڕیگایەکی دووری بڕی.
پلان ئەوە بوو لەوڕێگا دوورە تیم تا بگاتە شیراز هیلاکی ڕێگای نەبێ وبتوانێ بە توانا بەشدار بێت.
ڕۆژی 5شەممە کە گەیشتینە قەڵات وێڕای وەرگرتی ڕەیسپەک و بیب نامبر بەشێکی وەک یەک لە سێ ڕیگاکە پێوا تا بە باشی بەڵەدی ڕێگابێ.
زۆر بەداخەوە شەوی پێش بەرنامە کاتژمێر 23 بەهۆی گرفتی ئەمنی بەرنامە پێشی گیرا و بوو بە هۆی دڵەڕاوکێ و نیگەرانی. ڕێگایان نەداکەس بچێتە شۆنی دەسپێکی بەرنامە.
بۆیە ئێمە تیمی 8 کەسی بڕیارمان دا کاتژمێرێک درەنگتر لە نێو قەڵات ولە نێواڕاستی مەسیر دەسپێبکەن و تڕاکی ڕێڕەوی دیاری کراو لە 6 کیلۆمتر و 300 میتر بپێوین بە 300 میتر کەمتر و تووشی جێگای دەسپێکی بەرنامە نەبین کە هێزە ئەمنیەکان گرتبوویان و ڕیگای کەسیان نەدەدا، بەڵام بەرگریان لە کەس نەکرد کە خۆیان ئەو تڕاکەی مەسیر بڕۆن جودا لە شۆنی دەسپێکی دیاری کراو.
6 کیلۆمتر بە کەمتر لە 58 خۆلەک ڕێکۆردی تیم بوو کە دەیزانی کێبەرکێ نیە و بۆ ئەزموون بە پەیسێکی مامناوەندی پێوایان و میداڵی تەواو کردنی ڕانینگەکە وەدەست هات لە کەمتر لە کاتژمێرێک کە دیاری کرابوو.
جێگایەتی سپاسی هاوڕێیان بکەم و دیارە خۆیان دازانن بە بەشداری لەو تیمە و ئەو ئەزموونە وەرچەرخانێکی تازە و نوێ لەژیانیاندا هاتۆتە ئاراوە.
بژین بە توانا و سەربەرزی
پراوێز 1:
جێگای باسە لە ئەندامانی خۆشەویستی باشگا بەڕێزان سیما پیروت زادە خۆی بەشدار بوو وەک تاک لە 6 کیلۆمیتر و سیاوەش کەریمی و کارزان قەززاق وەک بەشدار و ڕاهێنەری دوو تیمی دیکەی تاران لە 19 کیلۆمیتر بەشدار بوون لە ڕێگا پێکەوە بووین و دانیشتنی تایبەتی فەننی و تێئۆریشمان هەبوو بە کەڵک وەرگرتنی تیم لە ئەزموونەکانیان و لە ڕێنوینیەکانیان، سپاسیان دەکەین.
پەراوێز 2:
سپاسی دووبارەی هاوڕێیانی خۆشەویست کە لەباری ماڵی پشگیریان کرد بۆ کڕینی جان بەگ.
لە تاران دوای ڕاپرسی لەبەڕێز دوکتور موساعدیان و گەڕانێکی باش لە ناوەندی فرۆشی کەلووپەلی پزشکی لە ئەمیریەی و پاساژەکانی نەووابی تاران بە تاییدی دوکتور ئێحسان و هاوڕێیی کاک هیمن باشترین کۆڵە و کەلوپەلی فریاکەوتن و