قلم همنوردان بەرپرسایەتی تیمێک خرداد 23, 1405 ارسال توسط farid sedghi 23 خرداد بەرپرسایەتی تیمێک هەر کات بەرپرسایەتی تیمێک وە ئەستۆ دەگرم بۆ لوتکە بیر دەکەمەوە چۆن بە زووترین و باشترین شێوە دەکرێ ئەرکەکەم بە جێ بهێنم و بێمەوە لای باوانی و دایکیشی 😉. حەول دەدەم پێش وەرێکەوتن زانیاری پێویست بە شێوەی بەرێوە چوونی سەرکەوتنەکە ، رادەی سەختی و ماوەی پێویست بۆ چوون و گەرانەوەمان … ئاراستەی داخوازانی هاتن بۆ لوتکە بکەم . بەلام سەختە کەسێک بگەرێنمەوە کە سەراسەر ئیرادەیە و دەشزانێ رێگایێکی دوور و درێژ و سەختی لەبەرە بەڵام قۆلی هیمەتی هەڵمالیوە وەرێکەوتۆ … بەهاریشەو ، لە ئێستاوە بلەم نا ! بۆ ئەوەی زوو بچینە سەرێ چۆن ئاسوودەترم … ئەدی ئەوە چۆن دەست پێ بکا و چۆن خۆی ڕا بهێنێ لە کوێ را تێکەلی کاروانی کەم ؟ بەو زانیارێ پێشتر هەمبوو دەمزانی دەبارێ و دە کاتی وەرێکەوتن دا جەختم کرد حەتمەن بارانێکی بێنن . دە بانگەوازی بەرنامەدا سێ کاتژمیرم دانا بۆ چوونە سەر لوتکە و دوو کاتژمێر… گەرانەوە بۆ جێگای نەهار … کەچی هەوای ئەورۆ ، یارانی هاورێ ، زۆر زوو پێ سەلماندم چوون بە خۆمانەو ، گەرانەوە بە خودای . درووستە بەهارە و بەرنامەکان لە روانگەی ئاساییوە ئاسانن بەلام کەش و هەوا یا رووداوێکی نەخوازراو ( وەک کەوتن ، لاق وەرگەڕان ، بروسکە ، هەلخلیسکان ، مار پێوەدان و… )دەتوانێ رۆژەکەمان لێ سەخت و قووڵ بکا ! تازە ئەوە وەرێکەوتووین و هێستا نازانین دۆخی دەروونی هاورێیانمان چۆنە و تەندروستیان چۆنە و ئەو رادە لە شەکەتی و ماندوو بوونە بۆ کام ئازیز مەترسیدارە ! چاوپۆشی لەوەش دەکەم کێ بە هەوای کێوە هاتۆ و لوتکەی هەر بۆ گرینگ نێ و دلی لە لای یارە و کاک ئارەشیش … دەلا چی ؟ ئەمن ئامۆژگاریکان دەدەم , بەلام وادیارە دۆستان زۆر گوێ نادەنێ و فشە و جەفەنگی خۆیان پێ گریگترە … منیش وەک دەیان جاری پیشوو ، ملی رێگای دەگرم و دەرۆم و دەشزانم زەحمەتە وا سوک و آسان نەجاتیم بێ . شۆخی و جەفەنگی هاورێیان لە رێگا جار جار لەبیرم دەباتەوە لە کوێم و بەرەو کۆێ دەچم . چاویشم لەوەیە تاقمێک هەرچی وەپێشیان دەدەم ، هەر لەدوایەن و هەر جار ئاوروو دەدەمەوە … زۆر دوڕن . وادیارە ئەوان پەلەیان نێ جارێ … زۆر بیری لێ ناکەنەوە کەی دەگەرێنەوە خوارێ ! رەنگە ئەگەر زانیبایان ، هێندێک زووتر رۆیبان . بەشی زۆریی رێگاکەمان بە نێو رەوەزان دا تێدەپەری و لەسەر تیرەگی ئەو شان ئەو شانی دەکەین و لە لوتکە نیزیک دەبینەوە . دوای ئەو هەموو بان و خوارە لە نیزیک لووتکە و لە راستی خۆمان بە دیوی گاگەشی دا ، باقی هاورێیانمان دەبینین و هووورایان بۆ لێدەدەین ! جا ئەوانەی ماندووی ئەو تیرەگەن ! بۆڵەیان دێ و دەلەن ؛ حەح جا خۆ رێگای وان ئاسانتر بوو ، بۆ ئەمەتان بێرەدا هێناوە … جا وەرە شێت مەبە ! بەو قسەی مەشلەژێ واز لە شاخی مەهێنە ! ئەوەش چاکە … چی پێ بلەم ؟ سەرم لەکام سووچی ئەو رەوەزانە بدەم ؟ بەیانی رێگام پێ نیشان نەداون ؟ نەمکوت کاک برایم و کاک فەرید بەولای دا دەرۆن ؟ نەمکوت رێگای مە ناخۆشە و دوور و درێژ ؟ نەمکووت ؟ نەمکوت ؟ وام لێدێ پێم وایە نەمکوتۆ . وازی لێدەهێنم دەلەم ئای رەحیم کورادە ، خۆزگەم بەخۆت . بۆخۆتی و بۆخۆت . ئەگەر ئیشتیای چوو فشەی دێتەوە قەراغ تیمی ، کەیفیشی نەهات وا ون دەبێ هەر دەلەی لەوێش نەبۆ . دوای ئەو هەموو چەرمە سەرییە دەگەینە لوتکەی ، خواردنێکە باب ئاگای لە کورێ نێ… حەزەرەتێ غەوس یێکتر نەخۆن ؟! ئەوە لە دوور را لە گەرۆر و لە سەردەشتێ را هەورو هەلا بەرێوەیە زوو تێکەوەی دەپێچین بۆ خوارێ . باشترە لە رەوەزان دوور کەومەوە نەکا وەک ئەوێ سالێ بروسکە بەردی بەرداتەوە خوارێ بە لاق و سەری هاورێیانی دادا … نەکا رژدایی و هاتنە خوار بە بەردەلان دا کێشەمان بۆ ساز کا … یێک دێ و دەلا ، کاک ئارەش ئاوا دوور ناکەوین ؟ یێک دەلا ماشاللە بۆ رێگات پەکوو ناخۆشە . لێگەرێ سەرم داخستۆ و دەرۆم … ئەمن بیر لەچی دەکەم و ئەوان دەلەن چی . دوبارە رێچکەی دەگرمە بەروو چاوم لەوەیە پاشە کاروانم لە کوێ وەدەر دەکەوێ . هەور لە سەردەشتێ را گەیشت ، بەلام پاشەکاروانم نەگەیشت ! عیلاج نێ ناچارم راوەستم هەموو بگەنێ . یێک روحیاتی دروونی بۆ دەریا کەنارێ دەبێ و ئەوەی تر بۆ زیبا کنار . ئەوانە زرمەو گڕمەی هەورە تریشقەیان گوێ لێ نەبۆ یا لانیکەم بەو رادەیەی دەبێ ، نەبۆ ! تیمی رادەگرم هەموو بگەنێ و ئامۆژگاریان دەدەمێ کە ئەگەر هاتە سەرمان ، چ بکەین . بەخێر و ناشایی تاقمێکمان دەگەلە حەوتەی پێشوو دەورەی کەشناسیان تێپەراندۆ ! حەک مەمبارەک نەبێ ! ئاوا دەورەکان بوگزەرێنن باشگای ئەوراز هەر سەگ و شوانی دێتەوە … خولاسە پاشە کاروان گەییشتێ تا لەو پەلە بەفرەی لاماندا تەرزە گەیشتە سەرمان و بە پێنج میتر مەودا لە یکتر لە نێو قەدی شاخی هەلترووشکاین و برووسکە ئەو دۆڵ و دەشتەی زرینگاندەوە و تەرزە و گلێرە بە سەرمان هات … آرش اسماعیل زاده
