ناوچەی سارم و میرقاز دۆڵی بەیرەم
سماییل قەززاق
یەکەم ڕۆژەکانی خەزەڵوەری 1402 هەتاوی
خمخانەی سروشت دار و گەڵا و گیای پاییزی ڕەنگاندووە , گەڵای ترشان بە ڕەنگێکی سورترش و گەش پۆڵەدارە سماقەکانی نەخشاندووە, گەڵای سپیداران زردێکی تۆخ و ئاماڵ بۆر تێکەڵ پەلکی زردکاڵەکانی چناران لە ژێر پێی ڕێبواران بە دەنگێکی ناسک خشەیان دێ و نووزەیان دەبیسترێ , گەڵای سێوان شین و بە ڕەنگی کەوەماری لەسەر داران پاشەرۆکی سێوان حەشار دەدەن , گەڵای گێوژ سەخت و ئەستور بەم زردێکی خۆڵین و بۆر چەشنی رەنگی ئەسپێکی شێ جێ مۆڵ و حەوشانیان داگرتووە , خەزەڵی گێلاس و بەڵالووک و هەلووژە و خۆخ و هەرمێ و بەهێ تێکەڵاوێکن لە زرد و سوور و شین و کەسک و …. , زردێکی سوورئاڵ چەشنی تیشکی خۆرئاوا , زردێکی زێڕین وەکی کاوکۆتی جێ خوونێ کە بە یەکەم گزنگی ڕۆژی دەبریسکێتەوە , کەسک , کەسکێکی مات وەک سێوەڕەی شەختە ئەنگاوتوو , کەسکێکی ڕوون وەک شاڵی سەیدزادەیەکی شۆخ و شەنگی ناو گەڕی ڕەشبەڵەکێ , سوور, سوورێکی تۆخ مەیوو وەک دڵۆپە خوێنی سەر پاردەی سەنگەرێ , ئاڵ لە میزانی گۆنای کچۆڵەیەکی بەرەبەیانی پاییز بە ئاوی ساردی کانیاوێ شوشتویەتی , زێڕین و دڵرفێن وەک قژی گیژۆڵەیەکی چاوشینی لێو ئاڵ , دای پۆشیوە باخ و بیستان .
داگیرساوە بە زەرد و بۆز و خۆڵین و کەسک و شین همو داوین و باسک و قەد و لاپاڵ . دەڵەی خم شێواوە وەستای بە ئەزموون سرووشت ڕەنگی تایبەتی بۆ دەر ناکرێ , لە هەموو ڕەنگان دەنوێنێ بە سەدان و هەزاران تێکەڵاوی نزم و توندی سور و شین و زدد و کەسکن بە ڕادەی گەڵای داران رەنگان دەنوێنن .سماییل قەززاق
خمخانەی سروشت دار و گەڵا و گیای پاییزی ڕەنگاندووە , گەڵای ترشان بە ڕەنگێکی سورترش و گەش پۆڵەدارە سماقەکانی نەخشاندووە, گەڵای سپیداران زردێکی تۆخ و ئاماڵ بۆر تێکەڵ پەلکی زردکاڵەکانی چناران لە ژێر پێی ڕێبواران بە دەنگێکی ناسک خشەیان دێ و نووزەیان دەبیسترێ , گەڵای سێوان شین و بە ڕەنگی کەوەماری لەسەر داران پاشەرۆکی سێوان حەشار دەدەن , گەڵای گێوژ سەخت و ئەستور بەم زردێکی خۆڵین و بۆر چەشنی رەنگی ئەسپێکی شێ جێ مۆڵ و حەوشانیان داگرتووە , خەزەڵی گێلاس و بەڵالووک و هەلووژە و خۆخ و هەرمێ و بەهێ تێکەڵاوێکن لە زرد و سوور و شین و کەسک و …. , زردێکی سوورئاڵ چەشنی تیشکی خۆرئاوا , زردێکی زێڕین وەکی کاوکۆتی جێ خوونێ کە بە یەکەم گزنگی ڕۆژی دەبریسکێتەوە , کەسک , کەسکێکی مات وەک سێوەڕەی شەختە ئەنگاوتوو , کەسکێکی ڕوون وەک شاڵی سەیدزادەیەکی شۆخ و شەنگی ناو گەڕی ڕەشبەڵەکێ , سوور, سوورێکی تۆخ مەیوو وەک دڵۆپە خوێنی سەر پاردەی سەنگەرێ , ئاڵ لە میزانی گۆنای کچۆڵەیەکی بەرەبەیانی پاییز بە ئاوی ساردی کانیاوێ شوشتویەتی , زێڕین و دڵرفێن وەک قژی گیژۆڵەیەکی چاوشینی لێو ئاڵ , دای پۆشیوە باخ و بیستان .
داگیرساوە بە زەرد و بۆز و خۆڵین و کەسک و شین همو داوین و باسک و قەد و لاپاڵ . دەڵەی خم شێواوە وەستای بە ئەزموون سرووشت ڕەنگی تایبەتی بۆ دەر ناکرێ , لە هەموو ڕەنگان دەنوێنێ بە سەدان و هەزاران تێکەڵاوی نزم و توندی سور و شین و زدد و کەسکن بە ڕادەی گەڵای داران رەنگان دەنوێنن .سماییل قەززاق
![](https://ovrazclub.com/wp-content/uploads/2023/11/20191101_081304-300x178.jpg)
“گەڵای ترشان بە ڕەنگێکی سورترش”
![](https://ovrazclub.com/wp-content/uploads/2023/11/11-300x225.jpg)
وێنەی باخی کاک مەلا عەوڵای بەرەجۆیە لە ساڵی 1398 هەتاوی
![](https://ovrazclub.com/wp-content/uploads/2023/10/IMG_20231029_103417_1351.jpg-135x300.png)
هەر ئەوباخە وینەی ساڵی 1402
![](https://ovrazclub.com/wp-content/uploads/2023/11/InShot_20211105_195616983-300x300.jpg)
بۆ زانیاری زۆرتر لە سەر ناوی ڕەنگەکان سەردانی فەرهەنگی ڕەنگەکان بکەن کاری بە نرخی سەحەر خانمی موعێززی
بە ناوی فەرهەنگی پازار
![](https://ovrazclub.com/wp-content/uploads/2023/11/InShot_20220829_180229544-300x300.jpg)
![](https://ovrazclub.com/wp-content/uploads/2023/11/InShot_20220911_165227608-300x300.jpg)